Хона-музейи Мубораки Вахонӣ дар озмуни ҷумҳуриявӣ беҳтарин дониста шуд
Хоруғ, 27.10.2016 /АМИТ «Ховар»/. Хона-музейи Мубораки Вахонӣ миёни музейҳои музофотӣ аз ҷиҳати сабки меъморӣ, ороиш ва нигораҳо дар озмуни ҷумҳуриявӣ мақоми аввалро ишғол намуд.
Хона-музейи мазкур дар деҳаи Ямғи ноҳияи Ишкошим ҷойгир буда, дар асрҳои 19 ва аввали асри 20 дар ин хонаи урфӣ олим, шоир, мусиқишинос Сӯфӣ Муборакқадами Вахонӣ иқомат намудааст ва ҳамдеҳагонаш пас аз таъмиру тармим ва ҷамъоварии осораш онро ба хона-музей табдил доданд.
Бо гузашти замон аҳамияту қимати асбобу ашё ва нигораҳои ин хона- музей бештар гардида, теъдоди зиёраткунандагон, аз ҷумла, муаррихону фолклоршиносон, дӯстдорони асбобҳои мусиқии Шарқ ва сайёҳони ватанию хориҷӣ рӯ ба афзоиш аст. Як кунҷи хонаро асбобҳои мусиқии тору танбӯр, ки бо дастони худи Мубораки Вахон сохта шудаанд ва назири худро надоранд, оро медиҳанд. Вақти боздиди сайёҳон аз ин осорхона наберагонаш бо ин асбобҳои қадимӣ мусиқии халқӣ менавозанд ва дар ҳавои ин мусиқӣ тамошои осорхона кайфияти махсус пайдо мекунад.
Ба қавли фолклоршиноси маҳалӣ Мулкамони Мамадамон, осорхона бо забони безабонӣ аз зиндагӣ ва фарҳанги волои тоҷикони водии Вахон ҳикоят мекунад.
Мафкураи солим ва дониши мукаммал омили муҳими рушди устувор ва амнияти ҷомеа мебошад
Имрӯз дар Тоҷикистон ҳаво тағйирёбанда шуда, борон меборад
Бар асари обхезӣ дар Танзания 155 нафар ба ҳалокат расид
Дар Донишкадаи исломии Тоҷикистон вобаста ба мубориза бар зидди ифротгароӣ ва хурофотпарастӣ конференсияи ҷумҳуриявӣ доир шуд
Дар Кӯлоб ҷаласаи Шурои ҳамоҳангсози мақомоти ҳифзи ҳуқуқ баргузор шуд
Дар фестивали Олмон зиёда аз 720 ҳолати сироятёбӣ ошкор гардид
Гурӯҳи кории Вилояти Мухтори Кӯҳистони Бадахшон дар Бартанг бо вазъи соҳаҳои гуногуни хоҷагии халқ шинос шуд
Фазои Либия ва Юнони ҷанубӣ бар асари ғубори биёбони Сахара ранги норанҷӣ гирифтааст
Мақомоти Чин барои минтақаҳое, ки аз селу обхезӣ зарар дидаанд, беш аз 15 миллион доллар ҷудо намуданд
Шукурҷон Зуҳуров Раиси Шурои собиқадорони ҷангу меҳнати Ҷумҳурии Тоҷикистон интихоб гардид
Имрӯз дар баъзе ноҳияҳои Тоҷикистон борони бошиддат меборад
Фаъолияти Кумитаи иҷроияи Ҳизби Халқии Демократии Тоҷикистон дар вилояти Хатлон ва сохторҳои ҳизбии он назаррас арзёбӣ гардид
