Ҷонибдорӣ аз пешниҳоди Тоҷикистон оид ба эълон намудани Даҳсолаи байналмилалӣ таҳти унвони «Об барои рушди устувор» амали муҳими башардӯстона мебошад

Ноябр 29, 2016 08:30

Хабарҳои мавзӯъ

30472048504_6cbbf91c4e_z

Душанбе, 29.11.2016 /АМИТ «Ховар»/. Сарвари давлати тоҷикон Эмомалӣ Раҳмон бо истифода аз минбарҳои баланди созмонҳои байналмилалӣ, ҳамоишу конфронсҳо ва саммитҳои сатҳи ҷаҳонӣ борҳо таваҷҷуҳи аҳли сайёраро барои истифодаи оқилонаи захираҳои гидроэнергетикӣ, беҳтар намудани сифати оби ошомиданӣ, самаранокии истифодаи захираҳои об ҷалб кардааст.
Тавре ки АМИТ «Ховар» бо такя ба Хадамоти матбуоти Президенти мамлакат иттилоъ дод, дирӯз дар пойтахти кишвари Маҷористон- шаҳри Будапешт Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Саммити оби Будапешт иштирок ва суханронӣ намуданд.
Дар саммити мазкур Сарвари давлати тоҷикон аз нақш ва мақоми устувори Тоҷикистон дар ҳалли масоили марбут ба об дар минтақа ва ҷаҳон ёдовар шуданд.
Зимнан, Тоҷикистон тайи ду даҳсолаи охир масъалаҳои вобаста ба обро дар чорчӯбаи Рӯзномаи глобалӣ фаъолона пеш бурдааст. Маҳз бо ташаббуси Тоҷикистон ва як қатор кишварҳои дигари ҷаҳон Маҷмаи кулли Созмони Милали Муттаҳид солҳои гуногунро Соли байналмилалии оби тоза, Даҳсолаи байналмилалии амали «Об барои ҳаёт» барои солҳои 2005-2015 ва Соли байналмилалии ҳамкорӣ дар соҳаи об эълон кардааст.
Имрӯз низ Тоҷикистон дар ҳалли масоили марбут ба об дар минтақа ва ҷаҳон фаъолона иштирок намуда, иқдому ташаббусҳои наву муҳимро дар ин самт пешниҳоди ҷомеаи ҷаҳонӣ менамояд.
Президенти мамлакат Эмомалӣ Раҳмон дар Саммити оби Будапешт таъкид карданд, ки барои расидан ба Ҳадафҳои рушди устувор оид ба об фароҳам овардани заминаи мусоид ва имконоти муосир зарур буда, ҷонибдории пешниҳоди Тоҷикистон оид ба эълон намудани Даҳсолаи байналмилалӣ таҳти унвони «Об барои рушди устувор» амали муҳими башардӯстона мебошад.
Бояд гуфт, ки он чорабиниҳои ҷаҳоние, ки дар солҳои гузашта бо ташаббуси Тоҷикистон амалӣ шуданд, дар таҳкими фаҳму дарки аҳамияти об барои рушди иҷтимоиву иқтисодӣ, ҳифзи экологӣ ва таъмини сулҳ саҳми шоёни худро гузоштанд.
Бинобар ҳамин ташаббуси нави Тоҷикистон оид ба эълон намудани Даҳсолаи байналмилалӣ таҳти унвони «Об барои рушди устувор» заминаи мусоиди таҳкими нақши об дар раванди ноил гаштан ба дигар ҳадафу мақсадҳои дар сатҳи байналмилалӣ мувофиқашударо фароҳам оварда, ба ҳамкории бештару зичтари давлатҳо дар соҳаи об мусоидат менамояд.
Бо назардошти ин Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бори дигар таваҷҷуҳи иштирокдорони Саммити оби Будапештро барои таҳкими ҳамгироӣ дар роҳи истифодаи оқилонаи захираҳои гидроэнергетикӣ, беҳтар намудани сифати оби ошомиданӣ, самаранокии истифодаи захираҳои об ва ба роҳ мондани мудирияти ҳамгироёнаи онҳо, ҳифзи низоми экологии об, пешгирии хавфи сар задани буҳронҳои обиву хатари тағйирёбии иқлим ва дигар масъалаҳои марбут ба об ҷалб намуданд.

 

Акрам Сангзода

Ноябр 29, 2016 08:30

Хабарҳои дигари ин бахш

Таджикистан и Китай 1Дар Остона мулоқоти вазирони корҳои хориҷии Тоҷикистон ва Хитой барпо шуд
????????????????????????????????????Иштироки ҳайати Тоҷикистон дар ҷаласаи Шӯрои вазирони корҳои хориҷии давлатҳои аъзои СҲШ дар Остона
18011102_1948571788695033_4720386727817811091_nМашваратҳои навбатӣ байни мақомоти сиёсати хориҷиии Тоҷикистон ва Қазоқистон дар Остона
С Аслов и Пратибха МехтарМулоқоти Вазири корҳои хориҷӣ бо Ҳамоҳангсози доимии СММ дар Тоҷикистон
МалайзияТоҷикистон ва Малайзия ҳамкориро тавсеа мебахшанд
Встреча делегации Республики Таджикистан с Государственным министром иностранных дел ЯпонииТатбиқи натиҷаҳои музокироти сатҳи олии Тоҷикистон ва Япония муҳокима гардид
MID-RFМашваратҳои Тоҷикистону Россия оид ба масъалаҳои мубориза бар зидди терроризм
Пратибҳа Меҳта 11.04.2017Пратибҳа Меҳта: «Президенти Ҷумҳурии Тоҷикистон дар пешбурд ва татбиқи Ҳадафҳои рушди ҳазорсола нақши пешсаф доранд»
Қабули эътимоднома аз 5 сафири нав 11.04.2017Сафирони навтаъйин ваъда доданд, ки барои рушду тавсеаи робитаҳои гуногунҷанбаи кишварҳояшон бо Тоҷикистон мусоидат хоҳанд кард
точикистон туркияМашваратҳои сиёсӣ байни Тоҷикистон ва Туркия дар Анқара
ПутинАз оғози муносиботи дипломатии Тоҷикистону Россия 25 сол сипарӣ гардид
Аслов и АбдилдаевМулоқоти вазирони корҳои хориҷии Тоҷикистон ва Қирғизистон