«Рӯзҳои маорифи Қазоқистон» дар Тоҷикистон: мактабҳои олии Қазоқистон барои донишҷӯён тахфифҳои махсус пешниҳод менамоянд

Май 15, 2017 16:56

Хабарҳои мавзӯъ

Рузхои Маорифи Казокистон (9)

ДУШАНБЕ, 15.05.2017 /АМИТ «Ховар»/.   Имрӯз, 15 май  дар Донишгоҳи славянии Россия ва Тоҷикистон маросими ифтитоҳи Намоишгоҳи «Рӯзҳои маорифи Қазоқистон» баргузор гардид.

Тавре ки хабарнигори АМИТ «Ховар»  иттилоъ медиҳад,  дар намоишгоҳ беш аз 15 донишгоҳи бонуфузи Қазоқистон ба хатмкунандагони мактабҳои ҳамагонӣ, хонандагон ва донишҷӯёни тоҷик дар бораи мактабҳои олии худ маълумоти мухтасар пешниҳод намуданд.

Дар маросими ифтитоҳи намоишгоҳ муовини якуми Вазири маориф ва илми Ҷумҳурии Тоҷикистон  Раҳматулло  Мирбобоев иброз дошт, ки Вазорати маориф ва илми Ҷумҳурии Тоҷикистон бо Ҷумҳурии Қазоқистон дар соҳаи маориф ҳамкории зич дорад. «Мо  таҷрибаи Қазоқистонро дар соҳаи маориф мавриди итифода қарор додаем. Инчунин мо омӯзгорон ва кормандони вазоратро барои таҷрибаандӯзӣ ба Қазоқистон доим  сафарбар менамоем ва онҳо таҷрибаи андӯхтаи худро баҳри пешбурди соҳаи маориф   истифода мебаранд.   Бояд гуфт, ки мо таҷрибаи стипендияи президентии қазоқҳоро  омӯхта,  стипендияи  президентии  «Дурахшандагон»-ро  барои донишҷӯёни тоҷики дар хориҷа таҳсилкунанда таъсис додем. Ин барои мо таҷрибаи хуб буд.  Хурсандиовар аст, ки дар Қазоқистон барои шаҳрвандони  тоҷик стипендия ва квотаҳо барои таҳсил ҷудо карда мешаванд. Ин квотаҳо барои касбу соҳаҳое, ки ҳанӯз дар мактабҳои олии Тоҷикистон роҳандозӣ нашудаанд, хеле зарур ва саривақтианд. Намоишгоҳи имрӯза  имкон медиҳад, ки мо  ҳамкории мутақобилан судмандро боз ҳам бештар ба роҳ монем. Умедворам, ки  ҷавонони мо дар Қазоқистон таҳсил карда,  таҷрибаи ин кишварро пас аз хатм дар Тоҷикистон роҳандозӣ мекунанд»,-илова намуд муовини якуми Вазири маориф ва илми Ҷумҳурии Тоҷикистон.

Ноиби президенти Ҷамъияти саҳомии  «Маркази барномаҳои байналмилалӣ»-и назди Вазорати маориф ва илми Ҷумҳурии Қазоқистон Зулфия Торебекова зикр намуд, ки  имрӯз 17 мактаби олӣ ба маърази шаҳрвандони Тоҷикистон як қатор ихтисосҳоро пешниҳод намуданд. «Мебинем, ки ҷавонон ба ин намоишгоҳ таваҷҷуҳ доранд ва  аллакай аз субҳ ҷамъ омадаанд. Фикр мекунам,  ки имрӯз ғайр аз ҷалби ҷавонон ба мактабҳои олии Қазоқистон,  инчунин байни донишгоҳҳо созишномаҳо ва дигар ҳамкории судманд  ба имзо расонида мешаванд»,-афзуд Зулфия Торебекова.

Сафири Фавқулода ва Мухтори Қазоқистон дар Тоҷикистон Нурлан Сейтимов  баён дошт, ки Ҳукумати Ҷумҳурии Тоҷикистон ва Вазорати маориф ва илми мамлакат барои таҳсили донишҷӯён дар хориҷа барномаҳои зиёдро тарҳрезӣ намудаанд. «Имрӯз мактабҳои олии Қазоқистон барои таҳсили донишҷӯён  тамоми  имкониятҳои инноватсиониро роҳандозӣ карда, роҳҳои  муосири таҳсилро пешниҳод мекунанд. Фикр мекунам, мактабҳои олии Қазоқистон барои донишҷӯёни хориҷӣ афзалиятҳои хуб пешкаш менамоянд. Маблағе, ки  ҳангоми таҳсил дар кишвари мо сарф мешавад, нисбат ба таҳсил дар Россия камтар буда, барои донишҷӯёни хориҷӣ тахфифҳои махсус низ роҳандозӣ шудаанд»,- зикр намуд Нурлан Сейтимов.

Сафир инчунин пешниҳод намуд, ки намоишгоҳи «Рӯзи маорифи Казоқистон» анъанавӣ гашта, дар Тоҷикистон  ҳар сол гузаронида шавад.

Хотиррасон мекунем, ки намоишгоҳ то 16 май идома ёфта, хоҳишмандон метавонанд аз он дар бораи мактабҳои олии ин кишвар маълумоти пурра ба даст оранд.

Рузхои Маорифи Казокистон (6)

 

 

Май 15, 2017 16:56

Хабарҳои дигари ин бахш

Сайт АМИТ ХоварШумораи хонандагони сомонаи АМИТ «Ховар» ба 4,2 миллион нафар расид!
БОЧ-хурока барои мактаббачагонДар Тоҷикистон ба мактаббачагон хӯроки яквақтаина дода мешавад
эмгузарониРўзҳои эмгузаронии иловагӣ бар зидди бемориҳои сурхча ва гулафшон оғоз гардиданд
Санэпид стан хавоХадамоти назорати давлатии санитарию эпидемиологӣ огоҳ менамояд!
гармоКумитаи ҳолатҳои фавқулода огоҳ мекунад: рӯзҳои наздик ҳарорати ҳаво беш аз 40 дараҷа хоҳад шуд!
олимпиадаи «ISWEEEP-2017»-и ИМА 4 медал5697Хонандагони тоҷик аз олимпиадаи «ISWEEEP-2017»-и ИМА 4 медал оварданд!
Аёдати ветерано сугд 3Тақдими кумакпулии якдафъаина ба иштирокчиён ва маъюбони Ҷанги дуюми ҷаҳонӣ
День ПобедыБа 447 нафар собиқадорони Ҷанги дуюми ҷаҳон кумаки якдафъаинаи Пешвои миллат супорида мешавад
Олимпиада маориф руминия1(1)Хонандагони тоҷик аз Руминия бо 10 медал баргаштанд
JpegАстероиди эҳтимолан хатарноки 2014JO25-ро олимони тоҷик ҳам мушоҳида карданд
Танзим-0Имсол ба қабули Қонун «Дар бораи танзими анъана ва ҷашну маросимҳо» 10 сол пур мешавад: вақт, ҳамчун довари ҳақ, зарурияти ин санадро собит намуд
вазири мехнат бо корея 0657Мутахассисони баландихтисоси касбӣ имкон доранд дар Ҷумҳурии Корея бо кор таъмин гарданд