РОНАНДАГОНИ ҚОНУНШИКАН ҶАЗО ДОДА МЕШАВАНД

        Қӯрғонтеппа, 3  декабр. (АМИТ «Ховар»,   Мурод  Сотиев). – Дар  давоми  як  ҳафтаи  охир  дар  роҳҳои  вилояти  Хатлон  бештар аз  4,5  ҳазор  ҳодисаи  риоя  нашудани  қоидаҳои  ҳаракати  роҳ  ба  қайд  гирифта  шуд. Корманди  калони  Идораи  бозрасии  давлатии  автомобили   вилоят Ёрмаҳмад  Давлатов  ба  АМИТ «Ховар»  хабар  дод, ки   дар  ин  муддат 55 ҳодисаи  мастомаст рондани  мошин  ба  қайд  гирифта,  63   мошини  дорои  шишаҳои тира  дастгир  карда шуд.          Аз  рӯи  маълумоти  Идораи   давлатии  автомобили  вилоят,  инчунин  724 ҳодисаи  зиёд  кардани  суръати  ҳаракат  ошкор  карда шуд. Ба  кавли Ё. Давлатов  чунин  ҳодисаҳо  сабаби  рух  додани  фалокати  нақлиёт  мегарданд. Қайд  карда шуд, ки  дар  давоми  ҳафта 29  ҳодисаи  риоя  нашудани   қоидаҳои  ҳаракати роҳ  аз  ҷониби  пиёдагардон  ба  қайд  гирифта  шуд. Ғайр  аз  ин  40  ронанда  барои  истифодаи  телефони  мобилӣ  зимни   ҳаракати   нақлиёт  дастгир  шуд. Умуман,  то 1  декабри  соли  равон  дар  миқёси  вилоят  649  ронанда  барои   истифодаи  телефони  мобилӣ  дар  паси  чамбараки  мошин  ҷазо  дода шуд.