МАЪМУРИЯТИ БАРАК ОБАМА БА ТОҶИКИСТОН КӮМАК МЕКУНАД

                 Душанбе, 17 июн. (АМИТ «Ховар», Лаззат Диловарзод).- Буҷаи солонаи ИМА дар моҳи октябр қабул мегардад.                 Дар буҷаи нави ИМА аз ҷониби маъмурияти Барак Обама дар бораи кӯмак ба Ҷумҳурии Тоҷикистон таклиф пешниҳод карда шудааст. Андозаи кӯмак ба Тоҷикистон ду баробар зиёд карда мешавад.                Дар соли 2008 кӯмаки молиявии Амрико ба Тоҷикистон 25, 2 млн. долларро ташкил дод. Ин кӯмак дар соли 2009- 2010 ба 46,5 млн. доллар расонида мешавад.                Дар назар аст, ки кӯакҳои ҳарбӣ низ барои Тоҷикистон зиёд карда мешаванд. Дар чаҳорчӯбаи ин барномаҳо маблағгузории ҳарбӣ барои Тоҷикистон аз 750 ҳазор доллар ба 1,5 млн. доллар расонида мешавад.                 Чунин кӯмакҳо ба ҷумҳуриҳои Қирғизистон ва Туркманистон низ пешбинӣ шудааст.