МУАРРИФИИ «ИНВЕСТИЦИОННЫЙ ТОРГОВЫЙ БАНК» ДАР «ОРИЁНБОНК»

                    Душанбе, 27 июн. (АМИТ «Ховар», Бекназари Абӯбакр). — Дар ҶСК «Ориёнбонк» муаррифии ҶСК БСТ «Инвестиционный торговый банк» (ФР) бо иштироки намояндагони он — муовини Раиси Раёсат Е. Ширинская ва вице-президент — директори Департаменти рушди бизнеси байнибонкӣ , Ю. Ершова баргузор гардид.                    Гурӯҳи кории «Ориёнбонк»-ро муовини раиси он Лола Салимова роҳбарӣ намуд. Дар ҷараёни ин муаррифӣ масъалаҳои шиносоии умумӣ бо ҶСК БСТ «Инвестиционный торговый банк» муҳокима гардида, оиди рейтинги бонк аз рӯи раванди рушди сармояи асосӣ, стратегияи рушди тиҷорати корпоративӣ ва чаканаи бонкӣ, нишондиҳандаҳои асосӣ барои се соли охир, маълумот оиди барномаи хизматгузории комплексии институтҳои молиявӣ, оиди мавқеи бонк дар ноҳияҳо ва дар бозорҳои молиявӣ маълумот пешниҳод гардид.                     Дар ин бора ба АМИТ «Ховар» аз маркази матбуоти ҶСК «Ориёнбонк» иттилоъ доданд.