ҚУРБИ ДОЛЛАР ПОЁН РАФТ

                Душанбе, 2 июл. (АМИТ «Ховар», Бекназари Абӯбакр). — 1 июли соли ҷорӣ қурби миёнаи хариду фурӯши доллари ИМА дар бештари бахшҳои бозори асъор поён рафт. Дар нуқтаҳои мубодилаи асъори шаҳри Душанбе қурби миёнаи 1 доллари ИМА 4,4253 сомониро ташкил дод, ки нисбат ба дирӯз 0,1% паст аст. Дар баробари ин, қурби асъорҳои дигар нисбатан мӯътадил буда, 10 рубли русӣ ба 1,41 сомонӣ ва 1 евро ба 6,10 сомонӣ баробар шуд.               Дар бозори байнибонкӣ ва дохилибонкӣ бошад, аксари амалиётҳо бо доллари ИМА бо қурби аз 4,4018 то 4,4326 сомонӣ сурат гирифтанд. Нишондиҳандаи миёнаи қарордодҳои басташудаи он 4,4240 сомонӣ ва қурби мубодилавии расмӣ 4,4003 сомониро ташкил дод. Дар ин бора ба АМИТ «Ховар» аз маркази матбуоти Бонки миллии Тоҷикистон иттилоъ доданд.