36 НАФАР ТАЛАБАИ ДУШАНБЕГӢ ДОНИШҶӮИ МАКОТИБИ ОЛИИ РУСИЯ ШУДАНД

                   Душанбе, 10 июл.(АМИТ «Ховар», Марзия Саидова).-36 нафар хатмкyнандагони мактабҳои таҳсилоти ҳамагонии шаҳри Душанбе донишҷуёни мактабҳои олии Федератсияи Русия гардиданд. Онҳо ғолибони олимпиадаҳои шаҳрӣ, ҷумҳуриявӣ ва байналмилалӣ буда, дар доираи шартномаи байнидавлатӣ ба донишгоҳҳои Русия дохил гардиданд.                    Тибқи иттилои сардори идораи маорифи шаҳри Душанбе Шамсулло Исломов, хатмкунандагони мактабҳои таҳсилоти ҳамагонии пойтахт ихтисосҳоеро интихоб кардаанд, ки ҷумҳурии мо ба онҳо дар шароити феълӣ ниёзи бештаре дорад. Бахусус, ихтисосҳои техникӣ — эенергетика, технологияи муосир, саноати кӯҳӣ, металлургия ва ғайраҳо.                  Бояд зикр кард, ки дар соли таҳсили 2009 мактабҳои таҳсилоти ҳамагонии пойтахтро 9, 5 ҳазор хонандагон хатм карданд.