БОЗДОШТИ ҚОЧОҚЧИИ АФҒОН ДАР ПАНҶИ ПОЁН

                      Қӯрғонтеппа, 20 июл. (АМИТ «Ховар», Мурод Сотиев). Дар гузаргоҳи гумрукии Панҷи Поён қочоқи навбатӣ пешгирӣ карда шуд. Тавре роҳбари маркази матбуоти Раёсати минтақавии гумруки вилояти Хатлон Олимхон Шарифов иттилоъ дод, шаҳрванди Ҷумҳурии Исломии Афғонистон Муҳаммад Зокир Саид Маҳмад боздошт шуд, ки мехост 6 тангаро аз Тоҷикистн ба тарафи Афғонистон гузаронад. Олимхон Шарифов ба АМИТ «Ховар» иттилоъ дод, ки чор танга аз шумораи умумии тангаҳо аҳамияти фарҳангӣ дошта ба асрҳои 2-4 пеш аз мелод ва 3 мелодӣ тааллуқ доранд. Ба иттилои О.Шарифов аз рӯи ин ҳолат парвандаи ҷиноӣ оғоз карда шуда ба прокуратураи вилояти Хатлон супорида шудааст.