БУНЁДИ ОСОРХОНА ДАР ҲОИТ

                Душанбе, 10 июл. (АМИТ «Ховар», Лутфия Эшонқулова ).- Ҳайати Вазорати фарҳанг таҳти роҳбарии вазири фарҳанги ҷумҳурӣ Мирзошоҳрух Асрорӣ барои иштирок дар маросими ифтитоҳи 2 пояи ёдбуд бахшида ба 60-солагии зилзилаи Ҳоит ба ин ҷо сафар кард. Ба ҳайат мудири шӯъбаи фарҳанги Дастгоҳи иҷроияи Президенти Ҷумҳурӣ Сафаралӣ Қурбонов, намояндагони вазорати фарҳанг ва зиёиёни мамлакат шомиланд.                Мухбири АМИТ «Ховар» хабар медиҳад, ки дар деҳаи Ҳоит ба хотири қурбониёни зилзилаи шадиди соли 1949 дар ин ҷо рух дода, пояи ёдбуд ва осорхона бунёд карда хоҳанд шуд. Бо ин мақсад бештар аз 600 ҳазор сомонӣ ҷудо карда шудааст.