ДАР ВАҲДАТ МУЗДИ МЕҲНАТ 51, 6 СОМОНӢ ЗИЁД ШУД

                  Душанбе, 28 июн. (АМИТ «Ховар», Лаззат Диловарзод).- Бино ба иттилои раиси шаҳри Ваҳдат Анвари Вайсиддин, дар соҳаи хоҷагии шаҳр дар нимсолаи аввали соли 2009 13 ҳазору 506 нафар коргар ба кор фаро гирифта шудааст. Дар ин муддат маблағи музди меҳнати коргарон 11 миллиону 150 ҳазор сомониро ташкил дод, ки ин нисбат ба ҳамин давраи соли 2008 2 млн.986 ҳазору 700 сомонӣ зиёд аст. Ин бозгӯи он аст, ки шароити кору зиндагии аҳолӣ сол аз сол беҳтар мегардад. Ҳисоби миёнаи музди меҳнати коргарон дар нимсолаи якуми соли 2009 ба 167 , 3 сомонӣ рост меояд, ки ин нисбат ба ҳамин давраи соли гузашта 51, 6сомонӣ зиёд аст.                 Ҳисоби миёнаи музди меҳнат дар соҳаи саноат 322,5 сомонӣ, сохтмон -210,3, нақлиёт — 186,8, кишоварзӣ — 75,1, тандурустӣ -109,1, бонкҳо — 427, 9 ва геология 407 сомониро ташкил медиҳад.