ФАЪОЛИЯТИ КОРХОНАҲОИ САНОАТӢ СУСТ АСТ

                   Душанбе, 22 июл. (АМИТ «Ховар», Лаззат Диловарзод).- Бино ба маълумоти Кумитаи давлатии омор, дар соҳаҳои сӯзишворию энергетикӣ дар моҳҳои январ — июни соли 2009 ба маблағи 365,9 миллион сомонӣ маҳсулот истеҳсол карда шудааст, ки нисбат ба ҳамин давраи соли 2008 ба андозаи 7 фоиз камтар мебошад.                    Дар саноати металлургияи ранга индекси истеҳсолот дар нимсолаи якуми соли 2009-ум 86,6 фоизро ташкил дод.                  Дар корхонаҳои мошинасозӣ ва коркарди фулузот дар нимсолаи якуми соли ҷорӣ ба маблағи 59, 6 млн. сомонӣ маҳсулот истеҳсол карда шудааст, ки нисбат ба ҳамин давраи соли 2008 ба андозаи 9,8 фоиз камтар аст.                  Ҳамчунин корхонаҳои таъмири мошину дастгоҳҳо ба андозаи 69 фоиз, автомобилӣ — 36,9 ва дигар соҳаҳои мошинсозӣ ба миқдори 69,5 фоиз истеҳсоли маҳсулотро кам карданд.                  Дар айни ҳол корхонаҳои саноати кишоварзӣ 146,1 фоиз, электротехникӣ — 134,3 истеҳсоли маҳсулотро зиёд намуданд.