МУСОБИҚАИ ФУТБОЛ ДАВОМ ДОРАД

                  Душанбе, 16 июл. (АМИТ «Ховар», Пайрав Назаров).- Дастаи футболбозони «Регар-ТадАЗ»-и шаҳри Турсунзода бори дуюм зимни қувваозмоиҳои озмоишӣ ғалабаро ба даст овард. Дар қувваозмоии охирин футболбозони «Регар-ТадАз» дар варзишгоҳи «Металлург»-и шаҳри Турсунзода дастаи футболбозони «Энергетик»-и шаҳри Душанберо ба ҳисоби 2:1 мағлуб карданд. Ёдовар мешавем, ки як ҳафта пеш футболбозони шаҳри Турсунзода дастаи футболбозони ЦСКА «Помир»-и шаҳри Душанберо низ бо ҳисоби калони 4:0 мағлуб карда буданд.                Қаҳрамонони футболи мамлакат 20 июл бо дастаи мунтахаби олимпии Тоҷикистон қувваозмоӣ мекунанд. 28 июл қувваозмоии онҳо бо дастаи футболбозони «Локомотив»-и шаҳри Маскав ба нақша гирифта шудааст.