ТАҶЛИЛИ ИДИ ЗАБОН ДАР «АМОНАТБОНК»

                 Душанбе, 24 июл. (АМИТ «Ховар», Бекназари Абӯбакр). — Таҷлили бистсолагии мақоми давлатӣ гирифтани забони тоҷикӣ имсол ба Соли бузургдошти Имоми Аъзам — фақеҳ, донишманди машҳур ва поягузори мазҳаби Ҳанафӣ, ки қисмати бузурги мусулмонони сайёра пайравӣ аз ин мазҳаб мекунанд, рост омад.                   Вобаста ба ин, дар рӯзи таҷлили Иди Забон дар Бонки давлатии амонатгузории Ҷумҳурии Тоҷикистон «Амонатбонк» конферентсия дар мавзӯи «Бузургии забони форсии тоҷикӣ ва хидмати Имоми Аъзам дар абадияти он» бо ширкати донишманди маъруф Исмоил Пирмуҳаммадзода баргузор гардид.                   Дар бонки мазкур ба мухбири АМИТ «Ховар» иттилоъ доданд, ки дар конферентсияи мазкур муовини раиси Раёсати БДА ҶТ «Амонатбонк» Абдуқаҳҳор Қодиров маърӯза карда, зикр намуд, ки баргузории чунин чорабиниҳо дар ташаккули ҷаҳонбинӣ, бедор намудани ҳисси миллӣ ва гиромидошти арзишҳои ба меросмондаи ниёгон ва дар ин замина, поянда гардонидани ваҳдату якпорчагии давлату миллати тоҷик, мусоидат мекунад.                   Инчунин, дар конфренсия донишманди тоҷик Ҳоҷӣ Исмоил Пирмуҳаммадзода оид ба хидмати Имоми Аъзам дар пояндагардонии забони тоҷикии форсӣ сухан ронда.