ВАКИЛОНИ ХАЛҚ БА МАРДУМ ОРОМИРО КАФОЛАТ ДОДАНД

                   Душанбе, 1 июл. (АМИТ «Ховар», Лаззат Диловарзод).- Бо қарори вакилони халқи шаҳри Душанбе маҷмӯи қоидаҳои тартиботи ҷамъиятӣ, ободонӣ ва санитарӣ- гигиении шаҳри Душанбе кор карда бароварда шуд.                   Тибқи ҳуҷҷати қабулгардида, истеъмоли нӯшокиҳои машруботӣ дар кӯча, майдонҳои варзишӣ, гулгаштҳо, боғҳои истироҳатӣ ва дар ҳама намуди нақлиёти ҷамъиятӣ манъ карда шудааст.                     Нисбати шахсоне, ки тартиботи ҷамъиятиро бо амалҳои номатлуб, аз қабили ҳуштаккашӣ, сурудхонӣ, навохтани мусиқӣ ва ё баланд кардани овоз тавассути дастгоҳҳои сабти овоз халалдор месозанд, дар асоси Кодекси қоидавайронкунии маъмурии Ҷумҳурии Тоҷикистон ба ҷавобгарии сахт кашида мешаванд.