ҲАҶМИ ХИЗМАТРАСОНИИ ПУЛАКӢ БА АҲОЛӢ КАМ ГАРДИД

                  Душанбе, 4 август. (АМИТ «Ховар», Лаззат Диловарзод). Дар давоми моҳҳои январ — июни соли 2009 ҳаҷми хизматрасонии пулакӣ дар ҷумҳурӣ ба 20 млн. 959 ҳазору 418 сомонӣ баробар гардид.                  Дар ин муддат ҳаҷми хизматрасонии пулакиро ба аҳолӣ дар ВМКБ ба 130 ҳазору 956 сомонӣ, вилояти Суғд — 5 млн. 411 ҳазору 595 сомонӣ, вилояти Хатлон 3 млн. 716 ҳазору 263 сомонӣ, шаҳри Душанбе — 8 млн. 783 ҳазору 189 сомонӣ ва НТҶ ба андозаи 2 млн. 917 ҳазору 415 сомонӣ расонида шудааст.                  Аз ҷумлаи корхонаҳои расмӣ ба қайд гирифташуда, Вазорати нақлиёт ва коммуникатсия 39, 1 фоиз, шӯрои ҷумҳуриявии оид ба туризм ва экскурсияи «Тоҷиктуризм» — 54,2, Вазорати энергетика ва саноат — 55, 1, Вазорати мелиоратсия ва захираҳои об — 75, 4, Кумитаи давлатии телевизион ва радиои назди Ҳукумати Ҷумҳурии Тоҷикистон — 82,3, Вазорати адлия — 89,7, «Тоҷиккурорт» -96, 6 фоиз нисбат ба моҳҳои январ — июни соли 2008 химатрасонии пулакиро ба аҳолӣ кам карданд.