БЕҚУРБШАВИИ ПУЛ ДАР КИШВАР 3,1 ФОИЗРО ТАШКИЛ КАРД

                 Душанбе, 19 август. (АМИТ «Ховар», Покиза Махмадбекова). — Дар ҳафт моҳи соли ҷорӣ сатҳи таваррум, ё беқурбшавии пул дар кишвар 3,1 фоизро ташкил намуд.                Аз рӯи иттилои кумитаи омори Ҷумҳурии Тоҷикистон, дар ин давра қимати маводи хӯрока 1,9 фоиз афзоиш ёфтааст. Ва дар ҳафт моҳи соли равон арзиши маҳсулоти сабади истеъмолии як узви хонавода дар Тоҷикистон 90 сомониро ташкил медиҳад.                 Бонкии миллии Тоҷикистон мизони таваррумро дар соли 2009 ҳудуди 9 фоиз пешбинӣ кардааст. Созмонҳои байналмилалии молиявӣ эҳтимоли ин мизонро болотар 13 — 14 фоиз тахмин мекунанд.                 Мизони таваррум дар Тоҷикистон дар соли 2008 — ум ба гузориши расмӣ дар ҳудуди 11,8 фоизро ташкил дод, дар ҳоле, ки таҳлилгарон онро 19-20 фоиз тахмин мекарданд.