ТАТБИҚИ ЛОИҲАИ ҲАВЗАИ ДАРЁИ «ЗАРАФШОН»

                     Душанбе, 24 август. (АМИТ «Ховар», Лаззат Диловарзод).- Бино ба иттилои сарменеҷери лоиҳаи «Рушди истеҳсолоти кишоварзӣ» — и Маркази ҷумҳуриявии дастгирии хусусигардонӣ Нарзимурод Холов, татбиқи лоиҳаи «Рушди истеҳсолоти кишоварзӣ» дар ҳавзаи дарёи «Зарафшон», аз ҷумла, ҷамоатҳои Рӯдакӣ, Саразм, Х.Ҳасан, Суҷина, Косатарош, Моғиён, Вору, Шинг ва Фароби ноҳияи Панҷакент идома дорад.                     Бино ба иттилои ҳаин манбаъ, шумораи зерлоиҳаҳо дар ин ҳавза 831 ададро ташкил медиҳад, ки маблағи умумии он 518 ҳазору 200 доллари амрикоист.                      Боиси тазаккур аст, ки ба ин зерлоиҳаҳо ба андозаи 153 ҳазору 602 доллари амрикоӣ маблағҳои грантӣ низ ҷудо гардидааст, ки аз он 13 ҳазору 246 хоҷагӣ истифода мебаранд.                     Дар асоси татбиқи лоиҳа 72 ҳазору 434 нафар ба шуғли меҳнат фаро гирифта шудааст.