ВАРЗИШГАРОНИ НАВРАС БА ВОЯ МЕРАСАНД

                  Душанбе, 20 август. (АМИТ «Ховар», Лаззат Диловарзод).- Мардум ноҳияи Рӯдакиро диёри паҳлавонпарвар мехонанд.                 Дар ин ноҳия 2 мактаби варзишии наврасон фаъолият доранд, ки дар онҳо 820 нафар варзишгари наврас дар 64 гурӯҳи таълимӣ аз рӯи 9 намуди варзиш, аз қабили дзю -до, кураш, футбол, волейбол, баскетбол, бокс, таеквандо ва самбо ба машқҳо фаро гирифта шудаанд.                 Дар давоми соли 2009 варзишгарони навраси ноҳия дар мусобиқаҳои ҷумҳуриявӣ ва спартакиадаҳо иштирок варзида, соҳиби 3 медали нуқра ва дар чемпонати ҷумҳуриявӣ 3 медали тилло, 2 нуқра ва 1 медали биринҷӣ ба даст оварданд.                  Дастаи яккачини наврасони ноҳия дар мусобиқаи байналмилалии «Оғози Олимпӣ» дар шаҳри Хуҷанд аз рӯи тарзи гӯштини дзю — до соҳиби 2 медали тилло, 2 медали нуқра ва 1 медали биринҷӣ гардиданд.                 Варзишгарони навраси ноҳия соли ҷорӣ дар чемпионати Осиё дар шаҳри Тошканд аз рӯи гӯштини тарзи самбо 2 медали тилло ва 2 медали нуқра ба даст оварданд.                 Имрӯзҳо дар 9 толори тобистона варзишгарони наврас аз рӯи 9 намуди варзиш пайваста машқ мекунанд.