АНБОРИ АСЛИҲА ДАР ХОНАИ ШАХСӢ

                Душанбе, 14 сентябр. (АМИТ «Ховар», Таҳмина Ғоибназарова). – Кормандони милиса 10 сентябр дар ҷараёни амалиёти таъҷилӣ аз хонаи шахсии сокини ҷамоати Даштиҷуми ноҳияи Шӯрообод Толибҷон Сафарови 30 – сола анбори аслиҳа ёфтанд.                Аз дафтари матбуоти ВКД ҷумҳурӣ ба АМИТ «Ховар» хабар доданд, ки аз хонаи Т.Сафаров аз ҷумла, 955 грамм моддаи тарканда, дурбини ҳарбӣ, ду тирдони милтиқи шикорӣ ва миқдори зиёди тир ёфт шуд. Айни ҳол нисбати Т.Сафаров аз рӯи моддаи дахлдори Кодекси ҷиноии Ҷумҳурии Тоҷикистон парвандаи ҷиноӣ кушода шуд. Мақомоти тафтишкунанда дафтари аъмоли ҷинояткорро мавриди тафтиш қарор медиҳанд.