ДАР ПОЙТАХТ «РӮЗИ КИТОБ» ҶАШН ГИРИФТА МЕШАВАД

               Душанбе, 3 сентябр. (АМИТ «Ховар», Лутфия Эшонқулова).-Бахшида ба «Рўзи китоб» Вазорати фарҳанги Ҷумҳурии Тоҷикистон гузаронидани як қатор чорабиниҳо, аз ҷумла намоиши китобҳо, конфронсҳо, шабҳои адабӣ ва вохўрию сўҳбатҳо ба адибонро дар назар дорад.                  Бо ин мақсал 4 сентябри соли равон дар Китобхонаи миллии ба номи А. Фирдавсӣ конфронси илмӣ — амалӣ дар мавзўи «Нақши китоб дар таҳкими истиқлолияти миллӣ -– фарҳангӣ» баргузор мегардад.                  Дар он намояндагони илму фарҳанг аз шаҳру навоҳии ҷумҳурӣ ва Академияи илмҳои Тоҷикистон ширкат хоҳанд варзид. Ҳамчунин, дар Китобхонаи давлатии бачагонаи ҷумҳуриявии ба номи М. Миршакар низ таҳти унвони «Китоб ва худшиносии миллӣ» вохўрии шоирон бо хонандагон доир мешавад.                   Бояд ёдрас шуд, ки соли 2008 Президенти кишвар Эмомалӣ Раҳмон 4 сентябрро ҳамчун «Рўзи китоб» эълон намуд.                  Дар ин бора ба мухбири АМИТ «Ховар» аз маркази матбуоти Вазорати фарҳанг хабар доданд.