ХАТМИ КУРСИ КӮТОҲМУДДАТИ ЖУРНАЛИСТӢ

               Душанбе, 2 сентябр. (АМИТ «Ховар», Людмила Дубинина). – Чанд рӯз пеш 60 нафар шунаванда курси кӯтоҳмуддати журналистикаи амалиро хатм намуд, ки синни онҳо аз 18 то 30 сола мебошад.              31 август дар Иттифоқи журналистон маросими супоридани сертификатҳо ба шунавандагони курсҳои кӯтоҳмуддати Мактаби мустақили журналистика баргузор гардид.              Мухбири АМИТ «Ховар» хабар медиҳад, ки курсҳои мазкур дар доираи барномаи «Вусъати маҳорати касбӣ ва ғанӣ гардондани таҷрибаи журналистони ҷавон» бо кӯмаки молиявии барномаи байналмилалии ЮНЕСКО ва комиссияи рушди демократияи назди Сафоратхонаи ИМА дар Тоҷикистон кушода шуда буданд.              Айни ҳол барои таҳсил дар курси мазкур гурӯҳи навбатии шунавандагон қабул карда мешаванд. Машғулияти курс моҳи сентябр шурӯъ мегардад.