МУҲОҶИРОНИ БЕБОЗГАШТ МЕАФЗОЯНД

                Душанбе, 1 сентябр. (АМИТ «Ховар», Лаззат Диловарзод).- Бино ба маълумоти шӯъбаҳои шиносномадиҳии Вазорати корҳои дохилии ҶТ, дар моҳҳои январ – июли соли 2009 нисбат ба ҳамин давраи соли 2008 муҳоҷирони бебозгашти дохилӣ ва хориҷӣ дар ҷумҳурӣ афзудааст.               Тибқи маълумоти ҳамин мнбаъ, шумораи умумии муҳоҷирон — (шумораи аҳолии кӯчидаомада ва ҷамъи аҳолии кӯчидарафта) дар давоми 7 моҳи соли ҷорӣ 30, 2 ҳазор нафарро ташкил додааст, ки нисбат ба ҳамин давраи соли 2008 7, 2 фоиз зиёд мебошад.               Аҳолии аз дигар маҳал ва давлатҳо ба Тоҷикистон кӯчидаомада 11,8 ҳазор нафар ва аҳолии аз Тоҷикистон кӯчидарафта бошад дар ин муддат 18,4 ҳазор нафарро ташкил додаст, ки нисбат ба 7 моҳи соли 2008 аҳолии кӯчидаомада 8,3 ва аҳолии кӯчидарафта 6, 5 фоиз зиёд шудааст.