МУКОФОТ БА РАИСИ ВИЛОЯТИ СУҒД

                 Душанбе, 19 сентябр. (АМИТ «Ховар», Наргис Бояхмедова). – Раиси вилояти Суғд Қоҳир Расулзода бо ордени Ҷамъияти мусоидат ба мудофиаи Иттиҳоди давлатҳои мустақил «Барои хизматҳои бузург» мукофотонида шуд.                  Хабар дода мешавад, ки раиси Шӯрои марказии Созмони мусоидавт ба мудофиаи ИДМ Юрий Камешанов 16 сентябр дар ин бора фармон имзо кард.                   Мухбири АМИТ «Ховар» зикр мекунад, ки Қоҳир Расулзода барои хизматҳои калонаш дар вусъати фаъолияти Ҷамъияти мусоидат ба мудофиаи вилоят ва тарбияи насли наврас дар рӯҳияи ватандӯстӣ сазовори чунин мукофот гардид. Ордени «Барои хизматҳои бузург» мукофоти олии Шӯрои Ҷамъияти мусоидат ба мудофиаи ИДМ мебошад.