ОҒОЗИ САФАРИ РАСМИИ ПРЕЗИДЕНТИ ҲИНДУСТОН ДАР ТОҶИКИСТОН
Душанбе, 7 сентябр. (АМИТ «Ховар», Наргис Бояхмедова, Пайрав Назаров). — Дар майдони назди Қасри миллати шаҳри Душанбе маросими истиқболи расмии Президенти Ҷумҳурии Ҳиндустон Пратибха Девисингх Патил баргузор гардид. Мухбири АМИТ «Ховар» хабар медиҳад, ки меҳмони олиқадр бегоҳии дирӯз барои боздиди нахустини расмӣ ба Душанбе омад. Мувофиқи тартиботи расмии сафарҳои давлатӣ, қумондони дастаи посбонони ифтихорӣ ба меҳмони олиқадр рапорти ҳозирбош дод. Сипас оҳангҳои давлатии ҳар ду мамлакат садо доданд. Президенти Ҷумҳурии Тоҷикистон ва Президенти Ҷумҳурии Ҳиндустон аз назди дастаи посбонони ифтихорӣ гузар карда, бо ҳайатҳои намояндагони расмии мамлакатҳои ҳамдигар шинос шуданд. Дар маросими истиқболи Президенти Ҳиндустон намояндагони корпуси дипломатии муқими Тоҷикистон ҳузур доштанд. Баъди анҷоми маросими истиқбол дар Қасри миллат мулоқоти якка ба яккаи Президенти Ҷумҳурии Тоҷикистон Эмомалӣ Раҳмон ва Президенти Ҳиндустон Пратибха Девисингх Патил оғоз ёфт. Баъди мулоқоти сарони ҳар ду давлат гуфтушуниди ҳайатҳои расмии онҳо баргузор мегардад.
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
