РУСИЯ ҚАРЗИ ФБА –РО БА ИТТИҲОДИ ДАВЛАТҲОИ МУСТАҚИЛ БАХШИД

                Душанбе, 15 сентябр. (АМИТ «Ховар», Лаззат Диловарзод).- Бино ба хабари агентии иттилоотии Русия, Маскав чун давлати донор қарзи аз Фонди Байналмилалии Асъор ҷудошударо, ки баробари 884 млрд. рубли Русия мебошад, барои дастгирии молиявии ИДМ бахшид.                -Давлати Русия алҳол бӯҳрони сахти молиявиро эҳсос намекунад, — иброз доштааст Владимир Путин. Мавсуф ба вазири молияи ФР Алексей Кудрин супориш додааст, ки гуфтушунидро бо Фонди Байналмилалии Асъор оид ба дастгирии молиявии Иттиҳоди Давлатҳои Мустақил анҷом диҳад.                Боис ба ёдоварист, ки ҳоло ба ҳайати Иттиҳоди Давлатҳои Мустақил Русия, Белоруссия, Қазоқистон, Қирғизистон, Тоҷикистон, Арманистон, Озарбоиҷон, Молдова ва Ӯзбекистон дохил мешаванд.                Гурҷистон моҳи августи соли ҷорӣ аз ҳайати Иттиҳоди Давлатҳои Мустақил пурра хориҷ гашт.