СИСТЕМАҲОИ ЗИДДИ РАКЕТАҲОИ АВРУПОЮ ОСИЁРО МУТТАҲИД КАРДА МЕШВАНД?

                Брюссел, 19 сентябр. (АМИТ «Ховар» — Лента.ру). – Муншии умумии НАТО Андерс Фог Расмуссен изҳор намуд, ки ИМА, Русия ва НАТО бояд имконияти муттаҳид сохтани системаҳои мудофиа аз ҳуҷуми ракетаҳои худро якҷоя муҳокима кунанд. Вай зикр намуд, ки дар ин масъала ҳар гуна пешниҳоди президенти Русияро мавриди баррасӣ қарор хоҳад дод. Муншии умумии НАТО пешниҳоди худро ба қарори маъмурияти ИМА вобаста менамояд, ки аз насби бунгоҳҳои мудофиа аз ҳуҷуми ракетаҳо дар Аврупои Шарқӣ даст кашидааст.                   Расмуссен дар баробари ин таъкид намуд, ки Русия бояд дар масъалаи боздоштани таҳқиқоти ядроӣ ба Эрон таъсир расонад. Кремл бояд бо роҳҳои сиёсӣ Эронро водор созад, ки аз истеҳсоли аслиҳаи ядроӣ худдорӣ намояд.                  Расмуссен изҳор намуд, ки минбаъд тамоми масъалаҳои марбут ба таъмини амниятро дар Аврупо ва Осиё бо маслиҳату машварати Русия ҳаллу фасл хоҳад намуд.