ТАҶЛИЛИ 150 – СОЛАГИИ КОСТА ХЕТАГУРОВ

                Душанбе, 24 сентябр. (АМИТ «Ховар», Людмила Дубинина). – 22 сентябр Ҷамъияти осетинҳои сокини Тоҷикистон — «Иристон» ба шарафи се санаи таърихӣ — 235 — солагии рӯзи ҳамроҳшавии Иристон ба Русия, 225 – солагии иморати қалъаи Владикавказ ва 150 – солагии рӯзи таваллуди шоири бузурги Иристон Коста Хетагуров ҷамъомади ботантана баргузор намуд.                 Раиси ҷамъият Зарифа Гуссаова зимни сӯҳбат бо мухбири АМИТ «Ховар» изҳор намуд, ки иристониҳо дар Тоҷикистон дар давоми асрҳои тӯлонӣ дӯш ба дӯши тоҷикон зиста, бо ҳамдигар муносибатҳои хайрхоҳона доштанд ва мушкилоти зиндагиро якҷоя бартараф менамоянд. Имрӯз ҳам намояндагони миллати осетин дар Тоҷикистон зиндагӣ карда, ҳамроҳи халқи тоҷик барои пешрафти иқтисодиёти мамлакат заҳмат мекашанд. Дӯстии халқҳои осетин ва тоҷик намунаи олии дӯстии интернатсионалӣ мебошад, гуфт З.Гуссаова.