ТАШКИЛИ ЛИТСЕЙ БАРОИ ТОЛИБИЛМОНИ БОЛАЁҚАТ

                  Душанбе, 25 сентябр.(АМИТ «Ховар», Марзия Саидова).-Дар пойтахт муассисаи таълимии давлатии литсейи №1 барои хонандагони болаёқат таъсис дода мешавад. Дар ин хусус Раиси шаҳри Душанбе Маҳмадсаид Убайдуллоев қарор имзо кард.                  Литсей бо мақсади фароҳам овардани шароити мусоид барои таҳсили хонандагони болаёқати шаҳр дар бинои назди мактаби таҳсилоти умумии №10 воқеъ дар кӯчаи Саид Носир, 35 ташкил карда мешавад. Аз Ҳукумати Ҷумҳурии Тоҷикистон хоҳиш карда шудааст, ки муассисаи мазкурро ба реестри муассисаҳои буҷетӣ ворид намуда, зимни таҳияи буҷети давлатӣ барои маблағгузорӣ ба Вазорати молияи ҷумҳурӣ супориш диҳад. Инчунин, идораи маорифи шаҳри Душанбе дар мувофиқа бо Сарраёсати молияи шаҳри Душанбе муваззаф гардидааст, ки муассисаи навтаъсиси таълимиро бо ҷевонҳо ва кабинетҳои фанни физика, химия, технологияи компютерӣ, лингафонӣ ва дигар таҷҳизоти таълимӣ таъмин намоянд.                  Ҳамзамон, ба раёсати сохтмони асосии шаҳри Душанбе супориш шудааст, ки дар назди муассисаи мазкур сохтмони толори варзишӣ, маҷлисгоҳ ва ошхонаи литсейро дар соли 2010 ба нақша гирад.