ҒОЛИБИЯТИ МАКТАББАЧАГОНИ ТОҶИК ДАР МАСКАВ

                Душанбе, 16 октябр.(АМИТ «Ховар», Марзия Саидова).- Ду намояндаи Ҷумҳурии Тоҷикистон — хонандаи синфи 11- и мактаби №6-и пойтахт Заррина Ҷамшедзода ва талабаи синфи 9-и мактаби №15 и шаҳри Душанбе Рустам Кенҷаев ғолиби олимпиадаи байналмилалӣ аз фанни забони русӣ гардида, бо дипломи дараҷаи аввал сарфароз гардиданд.                  Бояд гуфт, ки 7-умин олимпиадаи байналмилалии фанни забони русӣ, ки дар Донишгоҳи давлатии ба номи Ломоносови шаҳри Маскав баргузор шуд, аз Ҷумҳурии Тоҷикистон дар он 8 нафар хонандагони болаёқати мактабҳои таҳсилоти умумии шаҳри Душанбе иштирок намуда, шарафи Ҷумҳурии Тоҷикистонро баланд бардоштанд.               Тибқи иттилои директори Маркази ҷумҳуриявии кор бо мактаббачагони шоистаи назди Вазорати маорифи ҷумҳурӣ Шокирҷон Гадоев, дар олимпиада аз 11 давлати Иттиҳоди Давлатҳои Мустақил ва кишварҳои Балтика талабаҳои болаёқат иштирок карданд. Инчунин, дигар иштирокдорони олимпиада бо дипломҳо ва дигар тӯҳфаҳои хотиравӣ қадрдонӣ шуданд.