ҲАР ЯК ОИЛАИ ШАҲРИ ВАҲДАТ 7 ҲАЗОРУ 220 СОМОНӢ МАБЛАҒ ГИРИФТ

                Душанбе, 26 октябр. (АМИТ «Ховар», Лаззат Диловарзод).- Бино ба маълумоти бонкҳои шаҳри Ваҳдат, дар давоми 9 моҳи соли ҷорӣ ба воситаи бонкҳои шаҳр аз ҷониби муҳоҷирони меҳнатии дар Федератсияи Россия ва дигар кишварҳои хориҷӣ фаъолиятдошта 248 млн. 653 ҳазор сомонӣ маблағ ворид гардидааст.                 Маблағҳои интиқолёфта ба сари ҳар як нафар аҳолии шаҳр 906 сомонӣ ва ба ҳар як оила 7 ҳазору 220 сомонӣ рост омад, ки ин нисбат ба ҳамин давраи соли 2008 ба сари ҳар як нафар аҳолии ноҳия 100 сомонӣ ва ба ҳар як оила 780 сомонӣ камтар мебошад.                 Ба кам ворид шудани маблағ нигоҳ накарда, бонкҳо бо мақсади густариши соҳибкории хурду миёна дар 9 моҳи соли ҷорӣ ба аҳолӣ 23 млн. 238 ҳазор сомонӣ қарзҳои кӯтоҳмуддат доданд, ки ин нисбат ба соли 2008 20 млн. камтар аст.