14 КОРХОНАИ ИСТЕҲСОЛКУНАНДАИ МАСОЛЕҲИ СОХТМОНӢ

                  Душанбе, 2 октябр. (АМИТ «Ховар», Лаззат Диловарзод).- Бино ба иттилои котиби матбуотии Вазорати энергетика ва саноат Тоҷиниссо Азизова, дар ҷумҳурӣ 14 корхонаи истеҳсолкунандаи масолеҳи сохтмонӣ фаъолият доранд.                  Моҳи августи соли ҷорӣ корхонаи хиштбарории ҶММ «Мавҷи баҳр» — и ноҳияи Носири Хисрав ба истифода дода шуд. Корхона то имрӯз аллакай 500 ҳазор дона хишт истеҳсол намудааст.                  Ба иттилои ҳамин манбаъ, иқтидори истеҳсолии корхона дар як сол 8 – 10 млн. дона хишт мебошад. Дар корхона 30 нафар коргар аз мардуми таҳҷоӣ ба кор қабул карда шудааст, инро ибтидои саршавии кор медонанд, умед аст дар оянда хатҳои нави технологии хиштбарорӣ ба кор омода гардад ва барои мардуми маҳаллӣ ҷойҳои нави корӣ муҳайё гардонида шавад.