АЗ ҶОНИБИ ПРЕЗИДЕНТИ ҶТ ЯК ҚАТОР ҚОНУНҲОИ ҶТ БА ИМЗО РАСИДАНД

                17-уми октябри соли 2009 аз ҷониби Президенти Ҷумҳурии Тоҷикистон як қатор қонунҳои Ҷумҳурии Тоҷикистон, ки аз тарафи Маҷлиси намояндагон қабул гардида аз ҷониби Маҷлиси миллӣ ҷонибдорӣ ёфтаанд ба имзо расиданд, аз ҷумла:               1. Қонуни Ҷумҳурии Тоҷикистон «Дар бораи ҳифзи хок»;               2. Қонуни Ҷумҳурии Тоҷикистон «Оид ба ворид намудани       тағйиру илова ба Қонуни Ҷумҳурии Тоҷикистон «Дар бораи энергетика»;               3. Қонуни Ҷумҳурии Тоҷикистон «Оид ба ворид намудани тағйиру илова ба Қонуни Ҷумҳурии Тоҷикистон «Дар бораи ҳифзи ҳавои атмосфера»;               4. Қонуни Ҷумҳурии Тоҷикистон «Оид ба ворид намудани тағйиру илова ба Қонуни Ҷумҳурии Тоҷикистон «Дар бораи рамзҳои давлатии Ҷумҳурии Тоҷикистон»;               5. Қонуни Ҷумҳурии Тоҷикистон «Оид ба ворид намудани илова ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2009».               Қонуни Ҷумҳурии Тоҷикистон «Дар бораи ҳифзи хок» принсипҳои асосии сиёсати давлатӣ, асосҳои ҳуқуқии фаъолияти мақомоти ҳокимияти давлатӣ, шахсони воқеӣ ва ҳуқуқиро бо мақсади оқилона ва эҳтиёткорона истифода бурдани хок, нигоҳ доштани сифат, ҳосилхезӣ ва ҳифзи онро аз падидаҳои манфӣ муайян намуда, маҷмӯи муносибатҳои бо ҳифзи хок алоқамандро танзим менамояд.              Мақсади асосии қабули Қонуни Ҷумҳурии Тоҷикистон «Оид ба ворид намудани тағйиру илова ба Қонуни Ҷумҳурии Тоҷикистон «Дар бораи энергетика» ҳавасмандгардонӣ ва дастгирии самоягузорони ватанӣ ва хориҷӣ ҳангоми азхудкунӣ ва истифодабарии захираҳои электроэнегетикӣ мебошад.                Тағйиру иловаҳое, ки ба қонунҳои Ҷумҳурии Тоҷикистон ворид гардиданд ҷиҳати мукаммал намудани қонунҳои амалкунанда ва бо мақсади пешравии соҳаҳои иқтисодию иҷтимоии кишвар ва ба меъёрҳои Конститутсия ва дигар қонунҳои Ҷумҳурии Тоҷикистон, аз ҷумла ба санадҳои ҳуқуқии байналмилалии эътирофнамудаи Тоҷикистон мутобиқ гардонидан, равона карда шудаанд.