БА МАНБАИ ДАРОМАД ТАБДИЛ ЁФТАНИ ЗАХИРАҲОИ ОБӢ

                  Душанбе, 14 октябр. (АМИТ «Ховар», Лаззат Диловарзод).- Ҷумҳурии Тоҷикистон аз ҷиҳати захираҳои обӣ баъди Русия миёни ИДМ ҷои дуюмро ишғол мекунад.                    Дар сурати самаранок мавриди истифодаи барқчиёни тоҷик қарор гирифтани дарёҳои хурду бузурги ҷумҳурӣ, Тоҷикистон имкони 700 млрд. кВт соат истеҳсол кардани барқро пайдо мекунад. Ин миқдор барқ натанҳо давлатҳои Осиёи Марказӣ, балки дигар давлатҳои хориҷро низ бо барқи арзон таъмин карда метавонад. Бар замми ин, сохтмони нерӯгоҳҳои барқӣ аз ҷӣҳати экологӣ нисбат ба марказҳои барқии истеҳсоли гармӣ, ки дар Ӯзбекистон ва Қазоқистон сохта шудаанд безараранд.                  — Барномаи давлатии сохтмони нерӯгоҳҳои обӣ, ки тибқи Қарори Ҳукумати ҷумҳурӣ ба нақша гирифта шудаанд, ин ҳаққи бебаҳси истифода бурдан аз захираҳои обии кишвар мебошад,- мегӯяд ҳуқуқшиноси шинохтаи кишвар Ашӯрбой Имомов.