ДАРХОСТИ МУДИРИ МАОРИФ ДАСТГИРӢ ЁФТ

                Душанбе, 19 октябр. (АМИТ «Ховар», Лаззат Диловарзод).- Аз шӯъбаи маорифи ноҳияи Шаҳритус иттилоъ доданд, ки соли 2009 барои ҷалби мутахассисони ҷавон ба мактабҳо, ба онҳо тибқи имтиёзҳои муайяннамудаи Ҳукумати ҷумҳурӣ барои сохтмони манзил, замини наздиҳавлигӣ ҷудо карда шуд.                Бо дастгирии раиси ноҳия Холмурод Раҳмонов, ба 12 нафар мутахассиси ҷавон замини наздиҳавлигӣ барои сохтмони манзили истиқоматӣ ҷудо карда шудааст.                 Бино ба иттилои ҳамин манбаъ, соли хониши 2009 дар муассисаҳои таълимии ноҳия 25 ҳазору 384 нафар хонанда ба таълим фаро гирифта шудааст, ки ба онҳо 1158 нафар муаллимон дарс мегӯянд.                 Ба мушкилоти таъмини замини наздиҳавлигӣ нигоҳ накарда, раиси ноҳия боз 12 нафар омӯзгори ҷавонро то охири соли ҷорӣ ба замини наздиҳавлигӣ таъмин менамояд,- иттилоъ доданд аз шӯъбаи маорифи ноҳия.