ФАБРИКАИ ПАРРАНДАПАРВАРӢ ЭҲЁ МЕЁБАД

                 Мӯъминобод, 14 октябр. (АМИТ «Ховар», Сулаймон Холов).- Фабрикаи паррандапарварии Ҷамъияти саҳҳомии пӯшидаи Якарчаи ноҳияи Мӯьминобод дубора эҳё гардида, саршумори мурғро аз 80 то 240 ҳазор сар расонид,- гуфт ҷонишини директори корхона Давлат Юсуфов ва афзуд, ки айни ҳол сохтмони фабрика 80% иҷро шуда, дар он маблағи 1 миллион сомонӣ сарф гардидааст. Ба гуфтаи ин манбаъ мувофиқи нақша дар фабрика бояд 80 ҳазор чӯҷа дар як баст истеҳсол гардида, дар 8 цех парвариш ёбад. Таҷҳизоти лозима аз тарафи ширкати «Мозандарон»- и Эрон таъмин гардид. Барои сохтмони он аз тарафи ширкати мазкур маблағгузорӣ мегардад. Корхона то соли нави 2010 ба фаъолият шурӯь карда, беш аз 60 нафар коргаронро метавонад ба ҷои кори нав таъмин намояд.