МАБЛАҒҲОИ МУТАМАРКАЗОНИДАШУДА ПУРРА ИСТИФОДА ШУДАНД

                Душанбе, 26 октябр. (АМИТ «Ховар», Лаззат Диловарзод).- Бино ба гуфти сардори Раёсати мелиоратсия ва захираҳои оби ВМКБ Баҳодур Сулаймонов, дар ноҳияи Ишкошим корҳои тозакунӣ ва таъмири каналу ҷӯйборҳо ба маблағи 121 ҳазор сомонӣ анҷом ёфт.                 Барои таъмир ва тоза кардани канали калонтарини вилоят – «Канали Дашти Селексионӣ» 5, 2 ҳазор сомонӣ масраф гардид. Дар ин муддат корҳои соҳилмустаҳкамкунӣ ва тоза намудани заҳбуру заҳкашҳои мавзеи Лангар аз ҳисоби буҷаи маҳаллӣ бо маблағи 179,7 ҳазор сомонӣ корҳо анҷом дода шуда, канали ин мавзеъ барқарор гардид.                Дар мавзеи Варанг бошад, корҳои обёӣ намудани заминҳо аз ҳисоби маблағҳои мутамарказ оғоз шуд ва то 1 – уми октябр ба маблағи 179 ҳазор сомонӣ корҳо ба иҷро расонида шуданд.