МОДАР ФАРЗАНДИ ХУДРО КУШТ

                 Душанбе, 29 октябр. (АМИТ «Ховар», Жасмин Назарова). – Ба шӯъбаи корҳои дохилии шаҳри Панҷакент, шаҳрванди 27 сола Шоира Раҷабова рӯзи 25 октябр муроҷиат намуда буд, ки фарзанди ноболиғаш Фарзона Саидоваи 5 сола бедарак гум шудааст.                  Тавре ба хабарнигори АМИТ «Ховар» аз дафтари матбуоти Вазорати корҳои дохилии ҶТ иттилоъ доданд, вобаста ба шикояти ҷабрдида кормандони шӯъбаи корҳои дохилии ноҳияи Панҷакент корҳои фаврӣ-ҷустуҷӯӣ гузаронданд. Дар натиҷа муайян намуданд, ки худи шаҳрванд Ш.Раҷабова бо роҳи буғӣ фарзанди ноболиғи худро ба ҳалокат расонида дар ошхонаи ҳавлии истиқоматиаш гӯронидааст. Ташхиси тибби судӣ низ нишон дод, ки сабаби марги ноболиғ Ф. Саидова буғӣ кардани роҳи нафас мебошад. Оид ба ин фоҷиа прокуратураи шаҳри Панҷакент бо моддаи 104 (қ.2) КҶ ҶТ парвандаи ҷиноӣ боз карда, тафтишоташ идома дорад.