МУҲОҶИРОНИ МЕҲНАТӢ ЗАБОНИ РУСӢ МЕОМӮЗАНД

                 Душанбе, 17 октябр. (АМИТ «Ховар», Наргис Бояхмедова).- Дар давоми ду соли охир 100 нафар муҳоҷири меҳнатии аз навоҳии Рашт дар доираи Барномаи рушди СММ ва Созмони байналмилалии меҳнат соҳиби ихтисосҳои сохтмонӣ гаштанд. Дар ин бора зимни нишасти матбуотӣ ки 14 октябр дар Душанбе баргузор гардид, қайд карда шуд.Лоиҳаи мазкур барои дастгирии муҳоҷирони меҳнатӣ равона шудааст. Дар доираи барнома муҳоҷирон забони русӣ, ҳунарҳои нави тахассусӣ дар соҳаи сохтмон ва ҳамчунин дарсҳои ҳуқуқӣ гирифтанд,- қайд намуд мудири соҳавии Барномаи рушди СММ дар Тоҷикистон Ростислав Врбенский.                   Аҳолии ноҳияи Рашт 280 ҳазор одамро ташкил мекунад, ки 80%-и он ба соҳаи кишоварзӣ машғуланд, 42%-ро ҷавонон ташкил медиҳанд, ки аксарияти онҳо дар давлатҳои ИДМ дар муҳоҷирати меҳнатӣ мебошанд. Барномаи мазкур ба сокинони ноҳияи Рашт барои дарёфт кардани ҷои кор ва гирифтани маълумоти техникӣ мусоидат кард.                  Дар рафти конфронс қайд карда шуд, ки беш аз 200 нафар оилаҳои муҳоҷирони ноҳияи Тавилдара дар доираи барнома касби занбӯрпарвариро аз худ карданд.                  Намояндаи созмони байналмилалии меҳнат Беате Андрес қайд намуд, ки маблағи умумии барои барномаи «Рушди ҷомеа бо роҳи таъсис додани ҷойҳои нави корӣ ва идораи босамари муҳоҷироти меҳнатӣ» 1 миллиону 65 ҳазор доллари ИМА-ро ташкил медиҳад, аз ин 360 ҳазор доллари ИМА барои татбиқсозии барнома дар навоҳии Рашт равона карда шудааст.