НИШАСТИ МАТБУОТӢ ДАР ПРОКУРАТУРАИ ВИЛОЯТИ ХАТЛОН

                  Қӯрғонтеппа, 14 октябр. (АМИТ «Ховар», Мурод Сотиев). Аз рӯи таҳлилҳои прокуратураи вилояти Хатлон вазъи ҷинояткорӣ дар 9 моҳи соли 2009 нисбат ба ҳамин давраи соли гузашта тамоюли зиёдшавӣ дошта, 2258 ҷиноят ба қайд гирифта шудааст, ки нисбати соли гузашта 249 ҷиноят зиёдтар ҳаст.                   Дар шаҳру ноҳияҳои Қӯрғонтеппа, Вахш, Норак, Ҷ.Румӣ, Панҷ, Кӯлоб,Ҷомӣ,Н.Хусрав,Қумсангир,Қубодиён,Ҳамадонӣ,Темурмалик, Фархор, Ховалинг, Балҷувон назар ба ҳамин давраи соли 2008 ҷиноятҳо зиёд ба қайд гирифта шудаанд.                  Ҷиноятҳои вазнин бошад дар вилоят аз 307 то 301 адад кам гаштааст. Тавре ёрдамчии калони прокурори вилояти Хатлон Варқа Зайниддинов иттилоъ дод, таҳлили категорияи ҷиноятҳо нишон медиҳад, ки кушторҳо аз 15 то 26, ғоратгарӣ аз 19 то 27, роҳзанӣ аз 2 то 6, дуздӣ аз 583 то 624, қаллобӣ аз 234 то 370, авбошӣ аз 94 то 99, муомилоти ғайриқонунии маводи нашъаовар аз 83 то 102, ғайриқонунӣ нигоҳ доштани яроқ аз 7 то 17 зиёд шуда, расонидани зарари вазнин ба саломатӣ аз 11 то 7, садамаҳои нақлиётӣ аз 70 то 54, таҷовуз ба номус аз 21 то 16 адад кам гаштаанд.                  Ошкоршавии ҷиноятҳо дар сатҳи вилоят 93,8% дар муқоиса ба ҳамин давраи соли гузашта дар як сатҳ қарор дорад.