ПРОКУРАТУРА ҶИНОЯТРО ПЕШГИРӢ МЕКУНАД

                 Душанбе, 6 октябр. (АМИТ «Ховар», Жасмин Назарова). – 6 октябр дар Прокуратураи генералии Ҷумҳурии Тоҷикистон нишасти матбуотӣ баргузор гардид.                   Дар нишасти мазкур прокурори генералии ҶТ Бобоҷон Бобохонов, оид ба фаъолияти мақомоти прокуратура ва ҷамъбасти нӯҳмоҳа бо маърӯза баромад кард.                  Зикр гардид, ки соли 2008 дар ҷумҳурӣ 9 ҳазору 44 ҷиноят ба қайд гирифта шуда бошад, дар нӯҳ моҳи соли ҷорӣ дар ҳудуди ҷумҳурӣ мувофиқи маълумотҳои оморӣ 10 ҳазору 19 ҷиноят ба қайд гирифта шудааст, ки ин 10,8 % нисбат ба ҳамин давраи соли гузашта зиёд аст.                    Ҳамчунин дар давоми нӯҳ моҳи соли ҷорӣ аз тарафи мақомоти прокуратура 82 млн. 392 ҳазору 741 сомонӣ зарари моддӣ барқарор карда шудааст, иброз дошт Б. Бобохонов дар ин нишаст ба хабарнигорони дохили кишвар.