СОХТМОНИ БИНОҲОИ ЗАМОНАВӢ ДАР ҲИСОР ВУСЪАТ МЕЁБАНД

                Душанбе, 20 октябр.(АМИТ «Ховар», Марзия Саидова).- Дар шаҳраки Ҳисор 20 хонаи нави замонавии ду ошёна аз ҷониби ҷамъияти масъулияташ маҳдуди «Евростандарт», инчунин нуқтаи фурӯши сӯзишворӣ дар деҳаи Навобод дар роҳи Ҳисор- Шарора сохта ба истифода дода шуд.                  Тавре Раиси ноҳияи Ҳисор Муҳаммадалӣ Очилдӣ дар нишасти матбуотӣ ба хабарнигорон гуфт, ин иншоот дар асоси нақшаи генералии шаҳраки Ҳисор, ки моҳи феврали соли равон аз ҷониби Ҳукумати Ҷумҳурии Тоҷикистон тасдиқ гардида буд, сохта ба истифода дода шуд. Ҳамзамон, дар ин давра дар шаҳраки Ҳисор сохтмони филиали бонки «Тоҷпромбонк» ба анҷом расид.                Алҳол, сохтмони се бинои хонаи панҷошёна дар маҳаллаи Бобоҷон Ғафурови шаҳраки Ҳисор, инчунин, ду бинои хонаи панҷошёна дар маҳаллаи 8-уми шаҳрак, сохтмони мактаб барои 320-ҷойи нишаст дар деҳаи Ғуриёти ҷаомати Деҳқонобод, корхонаи дӯзандагӣ дар шаҳраки Шарора оғоз гардидааст.