ТОҶИКИСТОН ЧОР ЗИНА БОЛО БАРОМАД

                 Душанбе, 20 октябр. (АМИТ «Ховар», Ибодат Давлатова). – Дар ҷадвали навбатии ФИФА дастаи мунтахаби Тоҷикистон оид ба футбол чор зина боло баромада, миёни 207 дастаи футбол бо 76 имтиёз ҷойи 168 – умро ишғол кард.                  Дар мақоми аввали ҷадвали ФИФА бо 1632 имтиёз дастаи футболи Бразилия қарор дорад. Дар миёни давлатҳои Осиёи Марказӣ дастаи мунтахаби Ӯзбекистон аз ҳама нишондоди хуб дошта, бо 403 имтиёз ҷойи 82 – умро ишғол мекунад.