МУЛОҚОТ БО МУАЛЛИФИ НАМОИШНОМА

                    Душанбе, 23 ноябр. (АМИТ «Ховар», Таҳмина Ғоибназарова). — Имрӯз дар Театри драммавии русии ба номи В.Маяковский нахустнамоиши асари саҳнавии «Ишқи нахустини Хоҷа Насриддин» баргузор мегардад, ки онро коргардони театр Баҳодур Миралибеков аз рӯи асари нависандаи маъруф Темур Зулфиқоров ба саҳна гузоштааст.                     Мухбири АМИТ «Ховар» хабар медиҳад, ки муаллифи намоишнома Темур Зулфиқоров айни ҳол дар Душанбе мебошад ва машқи охирини асари саҳнавиро тамошо карда, ба он баҳои баланд дод.                   Дар арафаи намоиши асари саҳнавӣ дар театр мулоқоти Темур Зулфиқоров бо хонандагон ташкил карда мешавад. Нависанда зимни мулоқот ба саволҳои мухлисонаш ҷавоб дода, маҷмӯаи асарҳояшро ба онҳо тӯҳфа хоҳад кард.