НАМОЯНДАГИҲОИ ВКД ТОҶИКИСТОН ДАР РУСИЯ ТАШАББУСИ ПРЕЗИДЕНТРО ДАСТГИРӢ НАМУДАНД
Душанбе, 16 декабр. (АМИТ «Ховар», Наталя Михайлова). — 14 декабр дар Маскав маҷлиси якҷояи намояндагиҳои расмии вазорати корҳои дохилии Ҷумҳурии Тоҷикистон дар мубориза ба муқобили ҷинояти муташаккилона ва масъалаҳои муҳоҷират баргузор гардид. Иштирокчиёни маҷлис ташаббуси Президенти Ҷумҳурии Тоҷикистон Эмомалӣ Раҳмон ва қарори Ҳукумати мамлакатро дар бораи расондани кӯмак ба сохтмони Нерӯгоҳи барқи обии Роғун якдилона дастгирӣ намуданд. Дар маҷлис қарор қабул карда шуд, ки музди кори серӯзаи кормандони намояндагиҳои ВКД Ҷумҳурии Тоҷикистон дар Русия ба ҳисоби сохтмони НБО «Роғун» гузаронида шавад. Дирӯз ба ҳисоби сохтмони нерӯгоҳ 5 ҳазор сомонӣ гузаронида шуд. Кормандони намояндагиҳои ВКД Тоҷикистон дар Маскав инчунин саҳмияҳои НБО «Роғун» — ро мехаранд, ки аз моҳи январи соли оянда ба фурӯш бароварда хоҳанд шуд. Дар ин бора ба АМИТ «Ховар» котиби матбуоти намояндагии ВКД Тоҷикистон дар Федератсияи Русия дар масъалаи муҳоҷирон Дилбар Хоҷаева хабар дод.
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
