«САРПАРАСТ» ТАҚДИМИ ТӮҲФАҲОИ СОЛИНАВИРО ИДОМА МЕДИҲАД

                  Душанбе, 29 декабр. (АМИТ «Ховар», Бекназари Абӯбакр). — 27 декабри соли ҷорӣ бо ибтикори Ҳаракати ҷамъиятии Ваҳдати миллӣ ва эҳёи Тоҷикистон ва Хазинаи хайриявии «Сарпараст» дар Кохи «Ваҳдат» ва  Филармонияи давлатӣ  бо иштироки 4350 нафар базми солинавӣ бо иштироки ҳунармандони шинохтаи ҷумҳурӣ, ансамблҳои «Гулрез», «Лола», «Ғунчаҳои пойтахт» ва мактаби мусиқии Миратулло Атоев  барномаҳои ҷолиб  хотири кӯдаконро шод намуданд.                      Раиси Хазинаи хайриявии «Сарпараст» Маҳмудҷон Муродов гуфт, ки то имрӯз аз ҷониби «Сарпараст» 12 ҳазор адад тӯҳфаҳои солинавӣ ба кӯдакони ҷумҳурӣ тақдим шуда, ин иқдом то охири соли ҷорӣ идома хоҳад ёфт.