СОҲАИ ЗАНБӮРИАСАЛПАРВАРӢ АЗ НАВ БАРҚАРОР ШУД

                  Душанбе, 17 декабр. (АМИТ «Ховар», Лаззат Диловарзод).- Бино ба иттилои сардори корхонаи воҳиди давлатии занбӯриасалпарварии «Асали Тоҷикистон» М, Ҳалимов, то 1 – уми январи соли 2006 дар Ҷумҳурии Тоҷикистон 49 ҳазору 600 оилаи занбӯри асал вуҷуд дошт.                   Ҳукумати Ҷумҳурии Тоҷикистон бо мақсади рушди соҳа «Барномаи барқарорсозӣ ва рушди мнбаъдаи соҳаи занбӯриасалпрварӣ дар Ҷумҳурии Тоҷикистон барои солҳои 2006 — 2010»- ро қабул намуд. Худи ҳамон сол шумораи занбӯри асал ба 64 ҳазору 800 оила расонида шуд. Соли 2007 шумораи оилаҳои занбӯри асал ба 94 ҳазору 600, соли 2008 ба 119 ҳазор ва соли ҷорӣ ба 155 ҳазор баробар шуд. Аз ин шумора 5,8 ҳазор оила ба ВМКБ, 32,8 ҳазор ба вилояти Суғд, 32,4 ҳазор ба вилояти Хатлон ва 64 ҳазори он ба ноҳияҳои тобеи ҷумҳурӣ рост меояд.                    -Занбӯриасалпарварони ҷумҳурӣ соли ҷорӣ то 1 – уми декабр 2 ҳазору 538,4 тонна асал истеҳсол намуданд, — иброз доштанд дар КВД занбӯриасалпарварии «Асали Тоҷикистон» ба мухбири АМИТ «Ховар».