ҚАРОРҲОИ ҲУКУМАТИ ҶТ ВА АМРҲОИ ПРЕЗИДЕНТИ МАМЛАКАТ

                  Бо Қарорҳои Ҳукумати Ҷумҳурии Тоҷикистон Ҷурахонов Саидхон ба вазифаи муовини Вазири корҳои дохилии Ҷумҳурии Тоҷикистон ва Раҳмонов Лолахон Футурович ба вазифаи Директори Агентии таъмини амволи махсуси Вазорати рушди иқтисод ва савдои Ҷумҳурии Тоҷикистон таъин гардида, Шафиев Исмоил бо сабаби ба нафақа баромаданаш аз вазифаи Директори Агентии таъмини амволи махсуси Вазорати рушди иқтисод ва савдои Ҷумҳурии Тоҷикистон озод карда шуд.                   Ҳамчунин бо Амри Президенти Ҷумҳурии Тоҷикистон Холиқов Абдураҳим Ғафорович аз вазифаи сардори Раёсати танзими анъана ва ҷашну маросимҳои Дастгоҳи иҷроияи Президенти Ҷумҳурии Тоҷикистон озод гардида, ба вазифаи мудири Шўъбаи кафолатҳои конститутсионии ҳуқуқи шаҳрвандони Дастгоҳи иҷроияи Президенти Ҷумҳурии Тоҷикистон таъин карда шуд.                    Бо Амри Президенти Ҷумҳурии Тоҷикистон Раҷабов Искандар Салихович аз вазифаи машваратчии Шўрои амнияти Ҷумҳурии Тоҷикистон озод гардида, дар мувофиқа бо Президенти Ҷумҳурии Тоҷикистон ба вазифаи Сардори Раёсати кадрҳо ва кор бо ҳайати шахсии Вазорати корҳои дохилии Ҷумҳурии Тоҷикистон таъин карда шуд.                     Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.