ҲИЗБҲО БА ЗАНҲО БАРОБАРИРО РАВО НАДОНИСТАНД

                    Душанбе, 21 январ. (АМИТ «Ховар», Лаззат Диловарзод).- Дар мизи мудавваре, ки ба муносибати пешбарии номзадҳо ба парлумони кишвар дар Маркази комиссияи интихоботӣ доир гардид, ҳайати номзадии занҳо барои иштирок дар интихобот муайян гардид.                    Бино ба иттилои Раиси комиссияи интихобот М. Болтуев, аз 127 нафар номзадҳои ба интихоботи парлумоӣ дар соли 2010 – (28 феврал) пешбарӣ гардида 19 нафарашонро занҳо ташкил медиҳанд.                    — Аз ҳисоби 8 ҳизби сиёсии кишвар пешбарӣ карда шудани 19 нафар занҳо барои демократикунонии ҷомеаи навин хеле ночиз аст,- иброз дошт коршиноси сиёсӣ, профессор Иброҳим Усмонов.                     Ба гуфти олим, пешниҳоди занҳо аз ҷониби ҳизбҳои сиёсӣ ҷуз намоиши баробарии гендерӣ чизе беш нест.                      Ба интихоботи парлумони кишвар аз ҳисоби ҳизби наҳзати ислом 4 нафар ва аз дигар ҳизбҳо 1 ё 2 нафарӣ пешбарӣ карда шудааст, ки ин нисбат ба шумораи занҳои парлумони амалкунанда 10 нафар зиёд аст.