6 МЛРД. 262 МЛН. СОМОНӢ МАҲСУЛОТИ САНОАТӢ

                  Душанбе, 27 январ. (АМИТ «Ховар», Лаззат Диловарзод).- Новобаста ба он ки дар моҳҳои январ – декабри соли 2009 беш аз 6 млрд. 262 млн. сомонӣ маҳсулоти саноатӣ истеҳсол карда шудааст, ин нисбат ба ҳамин давраи соли 2008 93,7 фоизи ҳаҷми истеҳсоли маҳсулоти саноатиро ташкил медиҳад, — иброз доштанд дар Вазорати энергетика ва саноат.                     Бино ба иттилои масъулини вазорати мазкур, ҳаҷми маҳсулоти ба фурӯш баровардаи корхонаҳои саноатӣ дар моҳои январ – декабри соли 2009 — 4 млрд. 75 млн. сомониро ташкил медиҳад, ки ин баробари 96,9 фоизи ҳаҷми умумии маҳсулоти истеҳсолшуда мебошад.                     Дар давоми соли 2009 аз ҳама бештар маҳсулоти саноати озуқаворӣ (1140487 ҳазор сомонӣ), электроэнергетика – (870931), металлургӣ (951516), саноати сабук – (364479), саноати масолеҳи сохтмон (342093) ва истеҳсоли маҳсулоти саноати мошинсозӣ ва фулузот 157157 ҳазор сомонӣ маҳсулот истеҳсол карда шудааст.